ବିଶିଷ୍ଟ ବାଲୁକା ଶିଳ୍ପୀ ତଥା ପଦ୍ମଶ୍ରୀ ଶ୍ରୀ ସୁଦର୍ଶନ ପଟ୍ଟନାୟକଙ୍କ ଏକ୍ସ ଆକାଉଣ୍ଟ ହ୍ୟାକ୍ ହୋଇଯାଇଛି। ଏହି ଆକାଉଣ୍ଟ ରିକୋଭର ହେବାକୁ ପାଖାପାଖି 40 ଘଣ୍ଟାର ସମୟ ଲାଗିଛି।
ଶୁକ୍ରବାର ରାତି 8ଟା ପାଖାପାଖି ତାଙ୍କୁ ଏକ ମେଲ୍ ଆସିଲା। ଯେଉଁଥିରେ ତାଙ୍କ X ଆକାଉଣ୍ଟରେ ଅନ୍ୟକେହି ଲଗଇନ୍ କରୁଥିବା ନେଇ ଦର୍ଶାଯାଇଥିଲା। ଏହି ଲଗଇନ୍ କୋଲକାତାରୁ ହେଉଥିବା ନେଇ ସେହି ମେଲରେ ସୂଚନା ଦିଆଯାଇଥିଲା। ଏହା ପରେ ଆଉ ଏକ ମେଲ ଆସେ। ଯେଉଁଥିରେ ତାଙ୍କ ଏକ୍ସ ଆକାଉଣ୍ଟ ସହ ଲିଙ୍କ୍ ଥିବା ମେଲ୍ ଆଇଡି ଓ ଫୋନ୍ ନମ୍ବର ମଧ୍ୟ ବଦଳାଯାଇଥିବା ନେଇ ଦର୍ଶା ଯାଇଥିଲା।
ସୁଦର୍ଶନଙ୍କ ଫଲୋୟର୍ ପିଏମ୍ ମୋଦି
ଏବେ ସୁଦ୍ଧା ସୁଦର୍ଶନଙ୍କ X ଆକାଉଣ୍ଟରେ ପାଖାପାଖି 7.74 ଲକ୍ଷ ଫଲୋୟର୍ସ ଅଛନ୍ତି। ପିଏମ ମୋଦି ମଧ୍ୟ ସୁଦର୍ଶନଙ୍କୁ X ରେ ଫଲୋ କରିଛନ୍ତି। ତେଣୁ ଏହାକୁ ବ୍ୟବହାର କରି ହ୍ୟାକର୍ସ କିଛି ଅନୈତିକ ଗତିବିଧି କରିପାରନ୍ତି ବୋଲି ଆଶଙ୍କା ଥିବା କହିଛନ୍ତି ସୁଦର୍ଶନ।
ସାଇବର୍ ପୋଲିସ ସହାୟତା କଲା
ଏନେଇ ଓଡ଼ିଶା ପୋଲିସର ସାଇବର ୟୁନିଟକୁ ସଙ୍ଗେ ସଙ୍ଗେ ସୂଚନା ଦେଇଥିଲେ ସୁଦର୍ଶନ। ଯାହା ପରେ ତାଙ୍କ ଆକାଉଣ୍ଟକୁ ରିକୋଭର୍ କରିଦିଆଯାଇଛି। ନିଜ ଆକାଉଣ୍ଟ ଫେରି ପାଇବାକୁ ସୁଦର୍ଶନଙ୍କୁ ପାଖାପାଖି 40 ଘଣ୍ଟାର ଅପେକ୍ଷା କରିବାକୁ ପଡିଥିଲା।
ଗୁରୁତ୍ବପୂର୍ଣ୍ଣ ସୂଚନା
ଯଦି ଆପଣ ବି କୌଣସି ସାଇବର୍ ଆଟାକ୍ କିମ୍ବା ଠକେଇର ଶିକାର ହେଉଛନ୍ତି ତେବେ ତତକ୍ଷଣାତ୍ ନିଜ ନିକଟସ୍ଥ ସାଇବର୍ ଥାନାକୁ ଯୋଗାଯୋଗ କରନ୍ତୁ। ଯେତେ ଶୀଘ୍ର ଆପଣ ଓଡ଼ିଶା ପୋଲିସର ସାଇବର୍ ୟୁନିଟ ନିକଟରେ ପହଞ୍ଚିବେ ସେତେ ଶୀଘ୍ର ସାଇବର୍ ଅପରାଧୀ ଧରାପଡିବାର ସମ୍ଭାବନା ରହିଥାଏ।
ରାଜ୍ୟ ପୋଲିସର ସାଇବର୍ ସେଲ୍ ସହାୟତା ସମ୍ବନ୍ଧୀୟ ଅଧିକ ସୂଚନା ପାଇଁ ଏହି ଲିଙ୍କ୍ ଉପରେ କ୍ଲିକ୍ କରନ୍ତୁ।
About the Author
