ସୁଭଦ୍ରା ଯୋଜନାର ପ୍ରଥମ କିସ୍ତିର ଦ୍ୱିତୀୟ ତାଲିକା ଭୁକ୍ତ ହିତାଧିକାରୀଙ୍କୁ ସହାୟତା ରାଶି ଆସିବାକୁ ଯାଉଛି। ଚଳିତ ଅକ୍ଟୋବର ମାସ 9 ତାରିଖ ସୁଦ୍ଧା ଏହି ଟଙ୍କା ହିତାଧିକାରୀଙ୍କ ଆକାଉଣ୍ଟକୁ ଯିବ। ତେଣୁ ଏହା ପୂର୍ବରୁ ଏହି କିଛି ଗୁରୁତ୍ୱପୂର୍ଣ୍ଣ କଥା ଆପଣ ଜାଣି ରଖନ୍ତୁ।
ଆପଣ ଏହି ଯୋଜନାର ଲାଭ ପାଇ ପାରିବେ କି ନାହିଁ ସେ କଥା ଜାଣିଛନ୍ତି ତ। ହିତାଧିକାରୀ ତାଲିକାରେ ସାମିଲ ହେବା ଲାଗି ସରକାର ଜାରି କରିଥିବା ଏସଓପିରେ କଣ କଣ ନିୟମ ରହିଛି ପ୍ରଥମେ ଜାଣି ନିଅନ୍ତୁ।
ସୁଭଦ୍ରା ଯୋଜନାର ହିତଧିକାରୀ ହେବା ଲାଗି ସର୍ବନିମ୍ନ ଆବଶ୍ୟକତା
- ଆପଣ ଓଡ଼ିଶାର ବାସିନ୍ଦା ହୋଇଥିବା ଆବଶ୍ୟକ
- ଆପଣଙ୍କ ବୟସ 60 ବର୍ଷରୁ ଅଧିକ କିମ୍ବା 21 ବର୍ଷରୁ କମ ହେବା କଥା ନୁହେଁ।
- ରାସନ କାର୍ଡ ଥିଲେ ଆପଣ ବି ଜଣେ ଯୋଗ୍ୟ ସୁଭଦ୍ରା ହିତାଧିକାରୀ ଆଉ ରାସନ କାର୍ଡ ନଥିଲେ ଯଦି ଆପଣଙ୍କ ପାରିବାରିକ ଆୟ ବାର୍ଷିକ 2.5 ଅର୍ଥାତ୍ ଅଢ଼େଇ ଲକ୍ଷରୁ କମ୍ ତେବେ ମଧ୍ୟ ଆପଣ ସୁଭଦ୍ରା ଯୋଜନାରେ ଆବେଦନ କରିବାରିିବେ।
ଆବେଦନ ପାଇଁ କଣ ଆବଶ୍ୟକ
- ଆପଣଙ୍କ ପାଖରେ ଅପଡେଟେଡ୍ ଆଧାରକାର୍ଡ ଥିବା ନିହାତି ଜରୁରୀ
- ଆପଣଙ୍କ ଆଧାର ସହ ଆପଣଙ୍କ ଫୋନ୍ ନମ୍ବର ଲିଙ୍କ୍ ଥିବା ନିହାତି ଜରୁରୀ(ମନେ ରଖନ୍ତୁ ସୁଭଦ୍ରା ଫର୍ମ ଭରିବା ବେଳେ ଏହି ଫୋନ୍ ନମ୍ୱର ହିଁ ଆପଣଙ୍କୁ ଦେବାକୁ ହେବ)
- ଆପଣଙ୍କ ପାଖରେ ଏକ ବ୍ୟାଙ୍କ ଆକାଉଣ୍ଟ ଥିବା ଜରୁରୀ। ତାହା ଯେ କୌଣସି ବ୍ୟାଙ୍କରେ ଥିଲେ ବି ଚଳିବ, କିନ୍ତୁ ସେହି ବ୍ୟାଙ୍କ ଆକାଉଣ୍ଟରେ କେୱାଇସି ଅପଡେଟ୍ ଥିବା ଜରୁରୀ। ଅର୍ଥାତ୍ ଆପଣଙ୍କ ବ୍ୟାଙ୍କ ଆକାଉଣ୍ଟ ସହ ଫୋନ୍ ନମ୍ବର, ଆଧାର ଆଉ ପାନ୍ କାର୍ଡ ଲିଙ୍କ ଥିବା ନିହାତି ଜରୁରୀ।
କେଉଁଠି ଓ କେବେ କରିବେ ଆବେଦନ
1- ଆପଣଙ୍କ ନିକଟସ୍ଥ ଜନସେବା କେନ୍ଦ୍ର ଅବା ଅଙ୍ଗନବାଡ଼ି କେନ୍ଦ୍ର, କିମ୍ବା ବ୍ଲକ କାର୍ଯ୍ୟାଳୟକୁ ଯାଇ ସିଧା ସୁଭଦ୍ରା ଯୋଜନାରେ ଆବେଦନ କରିପାରିବେ।
2- ଅକ୍ଟୋବର 9ରେ ସୁଭଦ୍ରାର ବଳକା ହିତାଧିକାରୀଙ୍କୁ ମିଳିବ ପ୍ରଥମ କିସ୍ତି ରାଶି
ଆସନ୍ତା ଅକ୍ଟୋବର 9 ତାରିଖରେ ସୁଭଦ୍ରା ଯୋଜନାରେ ବଳକା ପାଖାପାଖି 75 ଲକ୍ଷ ହିତାଧିକାରୀଙ୍କୁ ମିଳିବାକୁ ଯାଉଛି ପ୍ରଥମ କିସ୍ତି ରାଶି। ସୁଭଦ୍ରା ଯୋଜନାରେ ଆବେଦନ କରିବାର କୌଣସି ନିର୍ଦ୍ଧିଷ୍ଟ ସମୟ ସୀମା ଏ ପର୍ଯ୍ୟନ୍ତ ସରକାର ଧାର୍ଯ୍ୟ କରିନାହାନ୍ତି। କିନ୍ତୁ ଅକ୍ଟୋବର 7 ତାରିଖ ସୁଦ୍ଧା ଆବେଦନ କରିଥିବା ହିତାଧିକାରୀଙ୍କୁ ସୁଭଦ୍ରା ଯୋଜନାର ପ୍ରଥମ କିସ୍ତି ରାଶି ମିଳିବ ବୋଲି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ସୂଚନା ଦେଇଛନ୍ତି। ତେଣୁ ଆପଣ ଚଳିତ ଅକ୍ଟୋବର ମାସ 7 ତାରିଖ ସୁଦ୍ଧା ଆବେଦନ କରିନିଅନ୍ତୁ। ଯଦି ଆପଣଙ୍କ ବ୍ୟାଙ୍କ ଆକାଉଣ୍ଟରେ ଇ-କେୱାଇସି (e-KYC) ହୋଇନାହିଁ ତେବେ ବି ଆପଣ ଏହାକୁ ଯେ କୌଣସି ସମୟରେ କରାଇ ନିଅନ୍ତୁ। ଏହାର ମଧ୍ୟ ଶେଷ ସମୟ ସୀମା ଧାର୍ଯ୍ୟ କରାଯାଇ ନାହିଁ।
ଯୋଜନା ସମ୍ବନ୍ଧୀୟ ଅଧିକ ବିବରଣୀ ଜାଣିବାକୁ ଚାହୁଁଥିଲେ ଏହି ଲିଙ୍କ୍ ଉପରେ କ୍ଲିକ୍ କରନ୍ତୁ
ଅଥବା ଆପଣଙ୍କ ଅଞ୍ଚଳର ଅଙ୍ଗନବାଡ଼ି କର୍ମୀଙ୍କ ନିକଟରୁ ଯୋଜନା ସମ୍ବନ୍ଧରେ ଅଧିକ ତଥ୍ୟ ସଂଗ୍ରହ କରିପାରିବେ।
About the Author
