ଇକନୋମିକ୍ ଓଡ଼ିଶା ଡେସ୍କ; ଅକ୍ଟୋବର 9 ତାରିଖ ଅର୍ଥାତ ଆସନ୍ତା ବୁଧବାର ଦିନ ସୁଭଦ୍ରା ଯୋଜନାର ପ୍ରଥମ କିସ୍ତିର ଦ୍ୱିତୀୟ ପର୍ଯ୍ୟାୟ ଟଙ୍କା ରିଲିଜ କରିବେ ରାଜ୍ୟର ବିଜେପି ସରକାର। ଦ୍ୱିତୀୟ ତାଲିକାରେ ଅନ୍ତର୍ଭୁକ୍ତ ହୋଇଥିବା ହିତାଧିକାରୀଙ୍କ ବ୍ୟାଙ୍କ ଆକାଉଣ୍ଟକୁ ଡିବିଟି ମାଧ୍ୟମରେ ସିଧା ଯିବ ଏହି ଟଙ୍କା। ତେବେ ଆପଣଙ୍କୁ ଏହି ଟଙ୍କା ମିଳିବ କି ନାହିଁ ଜାଣିଛନ୍ତି ତ।
ଆପଣ ଯଦି ସୁଭଦ୍ରା ଯୋଜନାର ହିତାଧିକାରୀ ହୋଇଥାନ୍ତି ତେବେ ଆପଣଙ୍କୁ ଏହି କିଛି ଦିଗ ପ୍ରତି ଧ୍ୟାନ ଦେବାକୁ ପଡିବ। ଅକ୍ଟୋବର 9ରେ ଏହି ହିତାଧିକାରୀଙ୍କୁ ଟଙ୍କା ଯିବ, ଯେଉଁମାନେ ପ୍ରଥମ ପର୍ଯ୍ୟାୟରେ ବଞ୍ଚିତ ରହିଯାଇଥିଲେ ଏବଂ ପ୍ରଥମ ପର୍ଯ୍ୟାୟ ଟଙ୍କା ଯିବା ପରେ ଯେଉଁମାନେ ଆବେଦନ କରିଛନ୍ତି। ଯଦିଓ ସରକାରଙ୍କ ପକ୍ଷରୁ ସୁଭଦ୍ରା ଆବେଦନର କୌଣସି ଡେଡଲାଇନ ଏ ପର୍ଯ୍ୟନ୍ତ ନିର୍ଦ୍ଧାରଣ ହୋଇନି ତଥାପି ଅକ୍ଟୋବର 9ରେ ସେହିମାନଙ୍କୁ ସୁଭଦ୍ରା ଯୋଜନାର ଟଙ୍କା ମିଳିବ ଯେଉଁମାନେ ଅକ୍ଟୋବର 7 ତାରିଖ ଭିତରେ ଏହି ଯୋଜନାରେ ସଫଳତାର ସହ ଆବେଦନ କରିଥିବେ। ଏନେଇ ପୂର୍ବରୁ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ସୂଚନା ଦେଇଛନ୍ତି।
ଯଦି ଆପଣ ଏହି ଯୋଜନାରେ ପୂର୍ବରୁ ଆବେଦନ କରିସାରିଛନ୍ତି ତେବେ ଆପଣ ନିଶ୍ଚିତ ରୁହନ୍ତୁ। ଯଦି ହିତାଧିକାରୀ ହୋଇ ମଧ୍ୟ ଆପଣ ଏ ପର୍ଯ୍ୟନ୍ତ ଆବେଦନ କରି ନାହାନ୍ତି ତେବେ ଯଥାଶୀଘ୍ର ଆବେଦନ କରିନିଅନ୍ତୁ।
ସଭଦ୍ରା ଯୋଜନାରେ କେମିତି ଆବେଦନ କରିବେ ଜାଣିବା ପାଇଁ ଏହି ଖବର ଉପରେ କ୍ଲିକ୍ କରନ୍ତୁ ।
ସୁଭଦ୍ରା ଯୋଜନାରେ କେମିତି କରିବେ ଆବେଦନ ?
About the Author
